Na. .Amon Mtega,Namtumbo.
MBUNGE wa Viti maalum Mkoani Ruvuma Jacqueline Ngonyani (Msongozi) amewaahidi wanawake wa Mkoa huo kuendelea kuungana kutafuta fursa mbalimbali za kimaendeleo ili kuimarisha uchumi kwenye jamii.
Ngonyani ametoa ahadi hiyo wakati akizungumza na wanawake wa UWT wa Chama Cha Mapinduzi CCM Wilaya ya Namtumbo Mkoani humo alipokuwa akitekeleza ahadi yake ya kuwapatia Cherahani zaidi ya 52 kwa wanawake wa Jumuiya hiyo.
Mbunge huyo amesema kuwa kutokana na jinsi wanavyojituma wanawake wa mkoa huo katika ufanyaji kazi ataungana nao bega kwa bega katika utafutaji wa fursa mbalimbali za kimaendeleo ili mwisho wa siku jamii iweze kubadilika kwa kuwa na uchumi.
Amesema kuwa wanawake wa Mkoa huo wamekuwa wakijituma sana kufanya kazi hivyo kunakilasababu ya kuziungamkono jitihada hizo kwa kuwa zimekuwa na malengo mema ya kimaendeleo .
Akipokelewa na wanawake wa Wilaya hiyo ambao ni wajumbe wa baraza la UWT na kumpeleka eneo la ujenzi wa nyumba ya katibu wa Jumuiya hiyo Mbunge huyo ameahidi kutoa sh.Milioni mbili (SH.2,000,000.)kwaajili ya kuendeleza ujenzi huo ambapo kwenye Jumuiya ya Wazazi ameahidi Sh. Laki tano(sh.500,000.)pamoja na Jumuiya ya Vijana UVCCM nayo ni Sh.Laki tano(sh.500,000.)ambazo Jumuiya hizo nazo zina ujenzi wa nyumba za makatibu wao.
Mbunge Ngonyani licha ya kuwapatia Cherehani hizo ikiwa ni kuunga jitihada za Serikali za kwenda kwenye uchumi wa kati wa viwanda lakini bado amewapatia wajumbe hao Chupa za chai,Nguo aina ya kanga ambazo ni moja ya sare za chama hicho,majiko ya Gesi pamoja na Mbegu za Alizeti zenye ujazo wa kilo mbili ambazo hutosha kupanda eka moja.
Kwa upande wake mwenyekiti wa CCM Wilaya ya Namtumbo Agrey Mwansasu amempongeza mbunge huyo kwa kazi anazozifanya kwenye jamii nzima huku akisema chama Wilayani humo kinatambua mchango wake kwenye jamii.
0 Comments